Diposting oleh : master ,Hari: Kamis, 2017 - 14:20:44 WIB, Kategori: BERITA LAINNYA
- Dibaca: 3150 kali
Bani ari Kamis, tanggal 28 Mei 2015 marianan i GKPS Pamatang Raya 1903 iadonghon do Launching Pelayanan GKPS hubani Anak Berkebutuhan Khusus (ABK). Strategi pelayanan na iterapkon aima Rehabilitasi Bersumberdaya Masyarakat (RBM). Rehabilitasi Bersumberdaya Masyarakat (RBM) aima rehabilitasi penyandang difabel (Different Ability) non panti (difabel na tading i tongah-tongahni masyarakat na lape manjalohon penanganan atappe lang tading i panti). Marhiteihon RBM on iusahahon do adong transfer pambotoh ampakon keterampilan humbani pihak professional hubani keluarga ampakon masyarakat ase ra janah mampu terlibat ibagas horja na laho memandirihon penyandang difabel ase lambin meningkat kualitas ni pargoluhonni sidea.
Buei ni naroh bani panorang peresmian on aima: Penyandang Difabel 145 halak riap pakon orang tua/pendamping ni bei. Buei do homa roh pandita pakon penginjil sonai ampakon calon petugas-petugas lapangan pakon na niontang.
Salah sada tindak lanjut na ihorjahon bani panorang launching aima lokakarya antara koordinator pakon orang tua penyandang difabel. Tujuan lokakarya on aima sihol mambotoh aha do kebutuhan penyandang Difabel laho manusun program RBM bani panorang na laho roh. Sesuai hubani identifikasi sementara jumlah penyandang difabel i Kabupaten Simalungun aima 126 halak janah i Kotamadya Pematang Siantar sejumlah 20 halak hun bani jenis-jenis kecacatanni. Ase berkesinambungan horja on, ibahen hita do kerja sama pakon pemerintah Kotamadya Pematang Siantar ampakon Kabupaten Simalungun. Bani ari Rabu tanggal 17 Juni 2015 borhat do Departemen Pelayanan : Pdt. Arihta Girsang pakon Pdt. Jenny Rossy Purba riap pakon piga-piga halak koordinator Pokja Pelayanan ABK GKPS laho membangun kerja sama pakon Dinas Sosial pakon Tenaga Kerja Kotamadya Pematang Siantar. Roh do bani panorang ai Kepala Dinas Pendapatan (Ir. Adiaksa Purba), Kepala Dinsosnaker ( Bpk. Poltak Manurung beserta stafni) pakon Kepala Dinas Kesehatan sekaligus koordinator kesehatan RBM GKPS (Dr. Ronald. Saragih). Bani pertemuan ai iapresiasi sidea do horja pelayanan on janah siap mambahen kerjasama hulobeian ni ari on.
On ma lobei na ibaritahon hanami hubani warga GKPS ibagas pangarapan ase riap ma hita bani horja idop ni uhur on bahen hasangapon ni Tuhanta.
(Koordinator POKJA Pelayanan ABK/RBM, Pdt. Edi Jasin Saragih 08126388573)
